Unggal poe barudak arulin
diburuan, ari budak awewe, aya nu sondah, aya nu encrak, aya oge nu
ngadu kutik. Ari budak lalaki mah maraen gatrik, aya oge nu parempet
jengkol jeung sasalimpetan .
Kurumuy tukang dagang datang bari
ngecagkeun tanggungan . Pok nu dagang nawarkeun daganganana :” Cilok heula
yeueueuh, barudak!". Buriak barudak paburisat, balik ka sewang sewang imahna
. Rek menta duit keur meuli cilok.
Ceuk budak: "Ma menta duit 1000 rek meuli cilok!"
Sok indungna mere. Teu kungsi lila budak datang, ohek-ohekan bari burial buncelik. Indungna reuwaseun. Terus disampeurkeun bari ngetig punduk budak, da pasti kabuhulan. Ana habek punduk budak diketig, ari cleng we cilok luncat kana taneuh. Teu tata pasini budak lumpat deui.
Ditanya ku indungna: "Rek kamana?"
Budak: "Rek meuli cilok deui mak".
Indungna nepak tarang . Beu,
dasar bebenjit euweuh kasieun, mangkilang geus ampir cilaka, kabuhulan . Tapi
parandene kitu, meureun . . . aya palajaran, bisa ati ati cara ngadaharna .*pelangi*
Tidak ada komentar:
Posting Komentar